ചേരയെ തിന്നുന്ന നാട്ടില് ചെന്നാല്
.. “ ചേരയെ തിന്നുന്ന നാട്ടില് ചെന്നാല് നടുത്തുണ്ടം തന്നെ തിന്നണം “ എന്നൊരു പഴഞ്ചൊല്ലുണ്ടല്ലോ. ഞാന് ഇപ്പോള് വിദേശത്ത് കുട്ടികളുടെ കൂടെ ആയത് കൊണ്ട് ഇവിടെ കാണുന്നതെല്ലാം ഗംഭീരം ആണെന്ന് എഴുതുകയല്ല. കഴിഞ്ഞ ദിവസം ഇവിടത്തെ മാലിന്യ നിർമ്മാർജനത്തെ ശ്ലാഘിച്ച് എഴുതിയിരുന്നു , ഇന്നിതാ മറ്റൊരു കാര്യം കൂടി. നിരത്തിന്റെ വശങ്ങളിലെ പരസ്യ ബോർഡുകളെ കുറിച്ച് ആവട്ടെ ഇന്നത്തെ കുറിപ്പ് നമ്മുടെ നാട്ടില് നഗരങ്ങളിലും നാട്ടിൻപുറങ്ങളില് പോലും നിരത്തുകളില് പരസ്യങ്ങളുടെ പ്രളയം ആണല്ലോ , ഓരോ രാഷ്ട്രീയ പാരട്ടിയുടെയും വക സമരകോലാഹലങ്ങളും പ്രതിഷേധങ്ങളും ഫ്ലക്സ് ബോർഡായും ചുമരെഴുത്തായാലും സന്ദേശം ഒരു പോലെ തന്നെ. മനുഷ്യർക്ക് പ്രയോജനം ഉള്ളതൊന്നും ഇതില് കാണാന് കഴിയില്ല. എന്നാല് ഇവിടെ കാണുന്ന അപൂർവം പരസ്യ ബോർഡുകള് മനുഷ്യരുടെ പൌരബോധം വളർത്താന് ഉതകുന്നതായി തോന്നി. 1. വളർത്ത് മൃഗങ്ങളെ സംബൻധിച്ച് വളർത്...
