ഒരു കുട്ടനാടന്റെ കഥ

ഉബുദും നെല്‍വയല്‍ തട്ടുകളും കണ്ടു കഴിഞ്ഞു അടുത്തു എവിടെ ആണ് പോകേണ്ട തെന്നായി . വുലവാട്ടിയിലെ സൂര്യാസ്തമനം കാണണമെന്ന് ആഗ്രഹമുണ്ട് , പക്ഷെ വിപരീത ദിശയില്‍ വളരെ ദൂരെ ആയതു കൊണ്ട് , ഏറ്റവും അടുത്തുള്ള കിന്റാമണി അഗ്നിപര്‍വതം കാണാന്‍ പോകാമെന്ന് തീരുമാനിച്ചു . പൊതുവേ കുന്നുകളും താഴ്വരകളും നിറഞ്ഞ ഭൂവിഭാഗമാണ് ബാലിയുടെ ഈ ഭാഗം . ഇന്നും സജീവമായ ഒരു അഗ്നിപര്‍വതമാണ് കിന്റാമണി . 1804 കഴിഞ്ഞു 20 ലധികം പ്ര്രാവശ്യം ലാവ തുപ്പി അടുത്തു താമസിക്കുന്ന ഗ്രാമവാസികളെ കണ്ണീര്‍ കുടിപ്പിച്ച അഗ്നിപര്‍വതം , ഏറ്റവും അടുത്തു 2000 ല്‍ ആണ് തീ തുപ്പിയത് . ബാതൂര്‍ പര്‍വതവും തടാകവും ഉള്‍പെട്ട ഏകദേശം 13 ചതുരശ്ര കിലോമീറ്റര്‍ വിസ്തൃതിയുള്ള ഭൂപ്രദേശമാണിത് . ബാതൂര്‍ പര്‍വതവും കിന്റാമണി അഗ്നി പര്‍വതവും ബാതുര്‍ തടാകവും എല്ലാം കൂടി പ്രകൃതി രമണീയമായ ഈ സ്ഥലം തന്നെ . ഈ കാരണത്താല്‍ ബാലി കാണാന്‍ വരുന്നവര്‍ ഒരിക്കലും കിന്റാമണി കാണാതെ പോകുകയില്ല . ഇപ്പോഴും തുറന്നിരിക്കുന്ന ഒന്നിന് ചുറ്റും മറ്റൊന്നായി രണ്ടു അഗ്നിപര്‍വത ഗര്തമാണ് പര്‍വതത്തിന്റെ ഭാഗമായി ഉള്ളത്

രാവിലത്തെ ചെറിയ നടപ്പും കഴിഞ്ഞു 24 മണിക്കൂറും പ്രവര്‍ത്തിക്കുന്ന മാക്‌ ഡോനാള്‍ടില്‍ നിന്നും ഒരു കപ്പൂച്ചിനോ കാപ്പി കുടിച്ചു . ശ്രീമതിക്ക് ഒരു ലാറ്റെ കാപ്പിയും വാങ്ങി 45000 IDR കൊടുത്തു മുറിയില്‍ എത്തിയപ്പോള്‍ കുട്ടികള്‍ തയ്യാറായി വരുന്നു . യാത്രാ പരിപാടി സാരതിയുമായി ആലോചിച്ചു ആദ്യം കലാകാരന്മാരുടെയും ശില്പികളുടെയും നാടായ ഉബുദ് എന്ന നഗരത്തിലേക്ക് ആക്കാം എന്ന് തീരുമാനിച്ചു . . ഉബുദ് നഗരവും ശില്പങ്ങളും ഉബുദ് എന്ന കരകൌശല വിദഗ്ദ്ധരുടെ നാടാണ് . മരത്തിലും കരിങ്കല്ലിലും ഉണ്ടാക്കിയ കൊത്തുപണികളാണ് മിക്കവാറും എല്ലായിടത്തും . സുന്ദരമായ ശില്പങ്ങള്‍ വഴിയില്‍ എല്ലാം കാണാം . ഉബുദ് ജില്ല കൂടുതലും നെല്‍ കൃഷിയുള്ള വയലുകളും ധാരാളം താഴ്വരകളും ഉള്‍പെട്ട ഭൂഭാഗമാണ് . ഇവിടെ ധാരാളം ഔഷധ സസ്യങ്ങള്‍ ഉണ്ടായിരുന്നു . ഉബുദ് എന്ന പേര് തന്നെ ഇന്തോനേഷ്യന്‍ ഭാഷയില്‍ ഔഷധം എന്നതില്‍ നിന്ന് വന്നതാണ് . എട്ടാം നൂറ്റാണ്ടില്‍ ഇവിടെ ഒരു മഹര്‍ഷി രണ്ടു നദികളുടെ സംഗമ സ്ഥാനത്ത് ഒരു ക്ഷേത്രം സ്ഥാപിച്ചു . പൊതുവേ ഹിന്ദുക്കള്‍ നദികളുടെ സംഗമസ്ഥാനം പവിത്രമ

ഇന്തോനേഷ്യയിലെ നാണയം രുപായ ആണ് . (IDR Indonesian Rupaih) ഇതിന്റെ വിനിമയം ആയിരക്കണക്കിനാണ് . പണ്ടു ടര്‍ക്കിയില്‍ ഒരു മില്ല്യന്‍ ലീറ കൊടുത്താല്‍ ഒന്നര അമരിക്കന്‍ ഡോളര്‍ കിട്ടുമായിരുന്നു . അതുകൊണ്ടു ഒരു ചായ കുടിയ്ക്കാനും പത്തു ലക്ഷം ലീറ കൊടുക്കണമായിരുന്നു . എല്ലാവരുടെ കയ്യിലും കോടികള്‍ , അതുകൊണ്ടു എല്ലാവരും കോടി പതികളായിരുന്നു . പക്ഷെ ഇവിടെ ഒരു ഡോളറിനു 13000 – 14000 IDR കിട്ടും ഒരു ഡോളറിനു . അതുകൊണ്ടു കോടിപതിയായില്ലെങ്കിലും എല്ലാവര്ക്കും ലക്ഷ പ്രഭുവാകാന്‍ വിഷമമില്ല . പക്ഷെ ഒരു ചായ കുടിക്കണമെങ്കില്‍ 30000 – 40000 IDR കൊടുത്താലേ കിട്ടൂ . നമ്മുടെ നാട്ടില്‍ ഈ നാണയം കിട്ടാന്‍ സാദ്ധ്യത കുറവാണ് , മലയേഷ്യന്‍ രിങ്കിറ്റും സിങ്കപൂര്‍ ഡോളറും കിട്ടുമെങ്കിലും . അതുകൊണ്ടു എല്ലാവര്ക്കും സ്വീകാര്യമായ അമേരിക്കന്‍ ഡോളര്‍ തന്നെ കരുതുകയാണ് നല്ലത് പക്ഷെ വിനിമയം ചെയ്യുമ്പോള്‍ സൂക്ഷിച്ചില്ലെങ്കില്‍ പണി പാളും എന്നോര്താല്‍ നന്ന് . അംഗീകൃത വിനിമയ ഏജെന്‍സികളില്‍ നിന്ന് മാറിയാല്‍ റേറ്റ് അല്പം കുറവാണെങ്കിലും ചതിക്കപ്പെടുകയില്ല , പ്രത്യേകി

ബാലി എന്ന ദ്വീപ് ഇന്തോനേഷ്യയിലെ ഒരു ചെറിയ ദ്വീപാണ് . ബാലി എന്ന പ്രവിശ്യയില്‍ സമീപത്തുള്ള ചെറിയ ചില ദ്വീപുകളും ഉള്‍പ്പെടുന്നു . പൊതുവേ മുസ്ലിങ്ങള്‍ കൂടുതലുള്ള ഇന്തോനേഷ്യയിലെ ഹിന്ദുക്കള്‍ കൂടുതല്‍ താമസിക്കുന്ന ജില്ലയാണ് ബാലി . 2014 ലെ സെന്‍സസ് അനുസരിച്ച് , ബാലിയിലെ ജനസംഖ്യ 4,225,000 ആയിരുന്നു , അതില്‍ ഹിന്ദുക്കള്‍ 83.5% , മുസ്ലിങ്ങള്‍ 13.4% , കൃസ്ത്യന്‍സ് 2.5% ബുദ്ധമതാനുയായികള്‍ 0.5% എന്നിങ്ങനെ പോകുന്നു . കോലാലംപൂരില്‍ നിന്ന് മൂന്നു മണിക്കൂറില്‍ താഴെ മാത്രമേ വിമാനത്തില്‍ യാത്ര ചെയ്‌താല്‍ മതി . ഭൂമദ്ധ്യ രേഖയ്ക്ക് 8 ഡിഗ്രി തെക്കായുള്ള ബാലിയില്‍ പൊതുവേ നമ്മുടെ കേരളത്തിലെ കാലാവസ്ഥ തന്നെ . മഴ ധാരാളം , അതുകൊണ്ടു നമ്മുടെ നാട്ടിലെ പോലെ നല്ല പച്ചപ്പ്‌ എല്ലായിടത്തും കാണാം . പൊതുവേ ടൂറിസ്റ്റ് വ്യവസായം തന്നെ വരുമാനം . ധാരാളം മരത്തിലും കല്ലിലും കൊത്തിയെടുത്ത ശില്പങ്ങള്‍ എല്ലായിടത്തും കാണാം . റോഡുകള്‍ പൊതുവേ വീതി കുറഞ്ഞവയാണ് എന്നാല്‍ നല്ലത് , നമ്മുടെ നാട്ടിലെപോലെ കുന്നും കുഴിയും തീരെ കാണാനില്ല . പല ഇടങ്ങളിലും ട്രാഫിക് നല്ലതു പോലെ ഉള്ളതുകൊണ്ട് പല

അഗ്നിപര്‍വതം കണ്ടു മടങ്ങും വഴി വഴിയോര കടകളില്‍ നല്ല ഫ്രെഷ് ആയ പഴങ്ങള്‍ കണ്ടു , അവിടെ തന്നെ ഉണ്ടായ ഓറഞ്ചും പേരക്കയും സീതാപഴവും എല്ലാമുണ്ട് . കുറച്ചു നല്ല ഓറഞ്ചു വാങ്ങി യാത്ര തുടര്‍ന്നു . തിരിച്ചു പോകുന്ന വഴിയില്‍ ഒരു ഉഷ്ണ ജല തീര്‍ത്ഥം ഉണ്ട് അത് കണ്ടു പോകാം എന്ന് തീരുമാനിച്ചു . രണ്ടു കുന്നുകള്‍ക്കിടയില്‍ ഉള്ള താഴ്വാരത്തിലാണ് ഈ ഹിന്ദു ക്ഷേത്രം . നാട്ടുകാര്‍ വളരെയധികം പരിപാവനമായി കരുതുന്ന ഇവിടെ ഒരു ശക്തിയേറിയ ഒരു തീര്‍ത്ഥജല പ്രവാഹം ഉണ്ട് . ഒരാളിന്റെ ജീവിതത്തിലെ മാലിന്യങ്ങള്‍ കഴുകിക്കളഞ്ഞു സ്വയം ശുദ്ധീകരിക്കാന്‍ സഹായിക്കുന്ന തീര്‍ത്ഥജലമാണ് ഇതെന്നു നാട്ടുകാര്‍ വിശ്വസിക്കുന്നു . തീര്‍ത്ഥജല പ്രവാഹത്തില്‍ നിന്ന് വരുന്ന ജലം കുറെയധികം ഷവറുകള്‍ വഴി ഒരു കുളത്തിലേക്ക്‌ എത്തിച്ചിരിക്കുന്നു . ഈ കുളത്തില്‍ ആള്‍ക്കാര്‍ ഷവറിന്റെ താഴെ നിന്ന് കുളിച്ചു സ്വയം ശുദ്ധീകരിക്കുന്നു . ഈ ജലത്തില്‍ കുളിച്ചാല്‍ പല തരത്തിലുള്ള മാറാ രോഗങ്ങള്‍ മാറുമെന്നും മാനസികമായും ശാരീരികമായും സ്വയം ശുദ്ധീകരിക്കാന്‍ കഴിയുമെന്നും ഇവര്‍ കരുതുന്നു . ഭൂമിയില്‍ നിന്

ദേവേന്ദ്ര നിര്‍മ്മിതമായ തീര്‍ഥജലകുളത്തില്‍ കുളിച്ചില്ലെങ്കിലും കണ്ണും മുഖവും കഴുകി യപ്പോള്‍ ഒരുന്മേഷം കിട്ടിയതായി തോന്നി . തിരിച്ചു ഹോട്ടലില്‍ എത്തുന്നതിനു മുമ്പ് ബാലിയിലെ തനതു നൃത്തകലയായ കെചക് എന്ന പേരില്‍ അറിയപ്പെടുന്ന നൃത്തം കാണാന്‍ ഒരു ആഡിറ്റോറിയത്തിലേക്കാണ് നീങ്ങിയത് . സാമാന്യം മോശമല്ലാത്ത പ്രവേശന ഫീസ്‌ കൊടുത്തു അകത്തു കടന്നു . ആഡിറ്റൊറിയതിന്റെ മുമ്പില്‍ തന്നെ രണ്ടു നര്‍ത്തകിമാര്‍ നൃത്തം ചെയ്യുന്ന വേഷത്തില്‍ സ്വീകരിക്കാന്‍ നില്കുന്നുണ്ട് . ആവശ്യമുള്ളവര്‍ക്ക് അവരോടൊപ്പം ഫോട്ടോയും എടുക്കാം . കെചക് നൃത്തം ബാലിയിലെ തന്നെ ഉണ്ടായ തനതു നൃത്ത രൂപമാണ് , നമ്മുടെ കഥകളി പോലെ , രാമായണത്തിലെ കഥയാണ് നൃത്ത രൂപത്തില്‍ അവതരിപ്പിക്കുന്നത്‌ . എന്നാല്‍ നമ്മുടെ നൃത്ത സങ്കല്‍പ്പവുമായി വളരെ അന്തരം ഉണ്ടെന്നു തോന്നി . ഒന്നാമതായി കലാകാരന്മാരുടെ എണ്ണം . മുപ്പതില്‍ കുറയാത്ത എണ്ണം കലാകാരന്മാര്‍ നൃത്തം അവതരിപ്പിക്കുന്ന പ്രധാന കലാകാരന്മാര്‍ക്ക് ചുറ്റും കൂടുതല്‍ സമയവും ഇരിക്കുന്നു , “ കെചക് " “ കെചക് " എന്ന് താളാത്മകമായി പറഞ്ഞുകൊണ്ടു .