ചിക്കാഗോയിലെ ഫീല്ഡ് മ്യൂസിയം – പ്രകൃതി ശാസ്ത്ര മ്യൂസിയം

അമേരിക്കയിലെ ഇല്ലിനോയിസ് സംസ്ഥാനത്തുള്ള ചിക്കാഗോ നഗരത്തിൽ സ്ഥിതി ചെയ്യുന്ന, ലോകപ്രസിദ്ധമായ ഒരു പ്രകൃതിശാസ്ത്ര മ്യൂസിയമാണ് ഫീൽഡ് മ്യൂസിയം ഓഫ് നാച്ചുറൽ ഹിസ്റ്ററി (Field Museum of Natural History). ലോകത്തിലെ തന്നെ ഏറ്റവും വലിയ പ്രകൃതിശാസ്ത്ര മ്യൂസിയങ്ങളിൽ ഒന്നായ ഇവിടെ കോടിക്കണക്കിന് വർഷത്തെ ഭൂമിയുടെയും ജീവന്റെയും ചരിത്രം വിളിച്ചോതുന്ന അമൂല്യമായ ശേഖരങ്ങളാണുള്ളത്. ചിക്കാഗോയിലെ പ്രശസ്തമായ ലേക്ക് മിഷിഗൺ തീരത്തെ 'മ്യൂസിയം കാമ്പസി'ന്റെ ഭാഗമാണിത്.

ഫീൽഡ് മ്യൂസിയത്തിന്റെ ആഴവും പരപ്പും ആരെയും  അത്ഭുതപ്പെടുത്തുന്നതാണ്. കേവലം കുറച്ചു കാഴ്ചകൾക്കപ്പുറം, പ്രകൃതിയുടെയും മനുഷ്യചരിത്രത്തിന്റെയും പരിണാമവഴികളെ കുറിച്ച് വളരെ വിശദമായി പ്രതിപാദിക്കുന്ന പല ഗാലറികളും ഇവിടെയുണ്ട്. മ്യൂസിയത്തിലെ കൂടുതൽ സവിശേഷതകളിലേക്ക് നമുക്കൊന്ന് ചുരുക്കത്തില് കണ്ണോടിക്കാം:

1. ദിനോസറുകളുടെ ലോകവും 'സൂ' (SUE) യുടെ രഹസ്യങ്ങളും

ഇവിടെ പ്രദർശിപ്പിച്ചിട്ടുള്ള   'SUE' എന്ന ടി-റെക്സ് ദിനോസറിനെ ക്കുറിച്ച് ചില രസകരമായ കാര്യങ്ങളുണ്ട്:

·        1990-ൽ സൗത്ത് ഡക്കോട്ടയിൽ നിന്നാണ് സു ഹെൻഡ്രിക്സൺ എന്ന പാലിയന്റോളജിസ്റ്റ് ഈ ഫോസിൽ കണ്ടെത്തുന്നത്. അതുകൊണ്ടാണ് ഇതിന് 'സൂ' എന്ന് പേരിട്ടത്.

·        ഇതിന്റെ യഥാർത്ഥ തലയോട്ടിക്ക് (Skull) മാത്രം 272 കിലോഗ്രാം ഭാരമുണ്ട്! ഭാരം കൂടിയതിനാൽ അത് അസ്ഥികൂടത്തിനൊപ്പം മുകളിൽ വെക്കാതെ, പ്രത്യേകമായി താഴെ ഒരു ഗ്ലാസ് കേസിനുള്ളിലാണ് പ്രദർശിപ്പിച്ചിരിക്കുന്നത്.

·        ഈ ദിനോസറിന്റെ അസ്ഥികളിൽ കാണുന്ന പരിക്കുകളും രോഗലക്ഷണങ്ങളും വഴി, അത് ജീവിച്ചിരുന്ന കാലത്ത് നേരിട്ട പോരാട്ടങ്ങളെക്കുറിച്ച് ശാസ്ത്രജ്ഞർക്ക് വിലപ്പെട്ട വിവരങ്ങൾ ലഭിച്ചിട്ടുണ്ട്.

2. വികസ്വരമായ ഭൂമി (Evolving Planet)

ഭൂമിയുടെ ജനനം മുതൽ ജീവന്റെ ഉത്ഭവം വരെയുള്ള 400 കോടി വർഷത്തെ ചരിത്രത്തിലൂടെയുള്ള ഒരു യാത്രയാണിത്.

·        ഏകകോശ ജീവികൾ മുതൽ സമുദ്രത്തിലെ വിചിത്ര ജീവികൾ, വംശനാശം സംഭവിച്ച മാമത്തുകൾ (Mammoths), ആദ്യകാല മനുഷ്യർ എന്നിവരുടെയെല്ലാം പരിണാമഘട്ടങ്ങൾ ശാസ്ത്രീയമായി ഇതിൽ വിവരിക്കുന്നു.

·        ദിനോസറുകളുടെ സുവർണ്ണകാലഘട്ടത്തെ അനുസ്മരിപ്പിക്കുന്ന വലിയൊരു ഹാൾ ഇതിന്റെ ഭാഗമാണ്.

3. സാംസ്കാരിക പ്രദർശനങ്ങൾ (Cultural Halls)

ലോകത്തിലെ വിവിധ ജനവിഭാഗങ്ങളുടെ സംസ്കാരവും ജീവിതരീതിയും മനസ്സിലാക്കാൻ സഹായിക്കുന്ന വലിയൊരു ശേഖരം തന്നെ ഇവിടെയുണ്ട്:

·        ആഫ്രിക്കൻ എക്സിബിഷൻ:

 ആഫ്രിക്കൻ ഭൂഖണ്ഡത്തിലെ വൈവിധ്യമാർന്ന പരിസ്ഥിതിയും ജനങ്ങളുടെ ആചാരങ്ങളും കലകളും ഇതിൽ പ്രതിപാദിക്കുന്നു. ഇവിടെയുള്ള 'Tsavo Man-Eaters' എന്നറിയപ്പെടുന്ന രണ്ട് സിംഹങ്ങളുടെ രൂപങ്ങൾ പ്രശസ്തമാണ്. 1898-ൽ കെനിയയിലെ സാവോയിൽ റെയിൽവേ നിർമ്മാണ തൊഴിലാളികളെ ഭീതിയിലാഴ്ത്തിയ നരഭോജികളായ സിംഹങ്ങളുടെ യഥാർത്ഥ ചർമ്മം ഉപയോഗിച്ചാണ് ഇവ നിർമ്മിച്ചിരിക്കുന്നത്.

·        അമേരിക്കൻ ഇൻഡ്യൻസ് (Native Americans):

അമേരിക്ക കൂടിയേറ്റക്കാരുടെ നാടായിട്ടാണല്ലോ അമേരിക്കയിലെ ആദിമ നിവാസികളുടെ ജീവിതം, അവരുടെ വസ്ത്രധാരണം, വീടുകൾ, ആയുധങ്ങൾ എന്നിവ വളരെ ഭംഗിയായി ഇവിടെ പുനർനിർമ്മിച്ചിരിക്കുന്നു.

·        പസഫിക് ദ്വീപുകൾ:

ന്യൂസിലാൻഡ് (മാവോറി സംസ്കാരം), ഹവായി തുടങ്ങിയ പസഫിക് ദ്വീപുകളിലെ ജനങ്ങളുടെ തനത് സംസ്കാരവും അവരുടെ കൂറ്റൻ മരത്തോണികളും മറ്റും ഇവിടെ കാണാം.

4. ഡിഎൻഎ ലബോറട്ടറി (Pritzker Laboratory)

ഫീൽഡ് മ്യൂസിയത്തിന്റെ മറ്റൊരു പ്രത്യേകത, ഇവിടെ സന്ദർശകർക്ക് മുന്നിൽ തുറന്നിട്ടിരിക്കുന്ന ഒരു യഥാർത്ഥ ശാസ്ത്ര ലബോറട്ടറിയുണ്ട് എന്നതാണ്. ശാസ്ത്രജ്ഞർ വിവിധ ജീവികളുടെ ഡിഎൻഎ (DNA) വേർതിരിച്ചെടുക്കുന്നതും അതിൽ ഗവേഷണം നടത്തുന്നതും ഗ്ലാസ് ജനലിലൂടെ സന്ദർശകർക്ക് നേരിട്ട് കാണാൻ സാധിക്കും. കുട്ടികളിൽ ശാസ്ത്രബോധം വളർത്താൻ ഇത് ഏറെ സഹായിക്കുന്നു.

5. ത്രീഡി തീയേറ്ററും തത്സമയ പ്രദർശനങ്ങളും

മ്യൂസിയത്തിനുള്ളിൽ അത്യാധുനിക സൗകര്യങ്ങളോട് കൂടിയ ഒരു ത്രീഡി തീയേറ്ററുണ്ട്. ദിനോസറുകളുടെ ലോകത്തെക്കുറിച്ചും പുരാതന ഈജിപ്തിനെക്കുറിച്ചുമുള്ള ഹ്രസ്വചിത്രങ്ങൾ വലിയ സ്ക്രീനിൽ കാണുന്നത് കുട്ടികൾക്കും മുതിർന്നവർക്കും ഒരുപോലെ ആസ്വാദ്യകരമാണ്.

ചിക്കാഗോയിലെ  മിഷിഗൺ തടാകത്തിന്റെ മനോഹരമായ പശ്ചാത്തലത്തിൽ, ചരിത്രവും ശാസ്ത്രവും കൈകോർക്കുന്ന ഫീൽഡ് മ്യൂസിയം ശരിക്കും പ്രകൃതിയെ സ്നേഹിക്കുന്നവർക്ക് ഒരു സർവ്വകലാശാല പോലെയാണ്.

 എന്തുകൊണ്ട് ഫീൽഡ്  മ്യൂസിയം എന്ന  പേരു?

 ഈ മഹത്തായ മ്യൂസിയം  ഉണ്ടാക്കാന് ആലോചിച്ചപ്പോള് അതിനു വേണ്ടി  ആദ്യമായി 10 ലക്ഷം ക ഡോളര് സംഭാവന ചെയ്ത  മാർഷൽ ഫീല്ഡ് എന്നയാളിന്റെ ഓര്മ്മക്കായി   ഈ പേര് കൊടുത്തു .